HITZ GAKOAK

HITZ GAKOAK:

-Bazterkeria: Gizarte-bazterketa, marjinazio, esklusio edo bazterkeria bezalako hitzak,
pertsonek gizarte-ongizate eta bizi-kalitatea eskuratzeko jasaten dituzten oztopo sozial,
ekonomiko edo politikoen multzoa dira, gizartearen sisteman modu egokian
ez integratzeagatik.

-Lidergoa: “Beste pertsona batzuengan eragina izateko gaitasuna, derrigorrez botere edo
ahalmen formalean oinarritzen ez dena”. Eragina ikaskuntzak hobetzera bideratura
izanez gero lidergo pedagogikoa izango litzateke. (Bolivar, A. (2010). Liderazgo
pedagógico: una dirección para el aprendizaje. Organización y Gestión Educativa
(OGE), 1. alea, urtarrila-otsaila, p. 15-20.)

-Manipulazioa: Zerbaiten gainean aritu, hura komeni den eran erabiltzeko edo aldatzeko
ekintza.

-Harremanak: Gurasoak eta Irakasleak; Komunikazio harremanak eta kanalak, egintza
koordinatuan eratu behar dira, haurra ahalik eta baldintza egokienetan intelektualki,
emozionalki eta sozialki gara dadin. Horrenbestez, prozesu horretako bi zutabeen -familia eta
eskola- ahaleginen batura da, adituen arabera, ibili beharreko bidea. Haurraren bi
bizi-eremu horien arteko sintoniak, gurasoak eta irakasleen arteko konfiantza
sortzeaz gainera, bi espazio desberdin baina elkarren osagarrietan
bizi deneko ideia errazkiago sorraraziko dio.

-Komunikazio eza: Komunikazioa prozesu bat da. Prozesu horren bitartez, subjektu batek
beste bati mezu bat bidaltzen dio eta bigarren horrek jaso egiten du. Prozesu hori
apurtzen denean edo ez denean ematen, komunikazio eza dagoela esan dezakegu.
"Gizakien ahalmen esklusiboa izan arren, komunikazioa bere harreman indibidualak
zein kolektiboak garatzeko eta bideratzeko beharrezkoa duen tresna kognitiboa eta
azaltzailea da: Kognitiboa da mundua ulertzeko balio diolako eta azaltzailea da ulertu duen
munduari buruzko diskurtsoa eraikitzeko balio diolako." (Basterretxea, 2002,64)